Anonyme [1652], LE TOVR BVRLESQVE DV DVC CHARLES. , françaisRéférence RIM : M0_3788. Cote locale : B_8_60.
Te voila donc bien en posture Pour chercher ta bonne auenture Et viure tousiours chez autruy Plein de soin, de peine & d’ennuy ; Va t’en sans demeure certaine Courre par tout la pretantaine Tantost deçà tantost delà, Faire crier, le qui va là, Et donner auec tes Gendarmes Mille terreurs, & mille alarmes : Va t’en continuer tes vols, Tes embrazemens tes viols, Tes cruautez, & tes pillages Parmy les bourgs & les villages : Mais tu ne tasteras iamais De Stenay, Clermont ny Iamets.
Va t’en dire au Roy d’Angleterre A Charles, comme toy, sans terre Qu’il te fasse rendre ton bien Il est bien en peine du sien. Comment diable veux tu qu’il fasse Pour t’assister dans ta disgrace, Cependant tu crois ce qu’il dit Comme s’il auoit grand credit, Et tu fais tout ce qu’il t’ordonne Suiuant le conseil qu’il te donne
Anonyme [1652], LE TOVR BVRLESQVE DV DVC CHARLES. , françaisRéférence RIM : M0_3788. Cote locale : B_8_60. |