Aussi bien que de ton mal-heur,
Dois tu pas mourir de douleur
Du pas de Clerc que t’a fait faire
Ta ceruelle vn peu trop legere ?
Falloit-il venir de si loin ?
Falloit-il prendre tant de soin
De mener icy ton armée,
Pour n’auoir qu’vn peu de fumée,
Qu’vne promesse faite en l’air,
Dont Iules a sceu t’aueugler,
Luy qui deffend dans son escole
D’estre esclaue de sa parole ?
Mais tu ne tasteras iamais
De Stenay, Clermont ny Iamets.