actes d’hostilité exercées dans les lieux les plus
Saints, sur le Saint des Saints, mesme par le
rauissement des vaisseaux sacrez &c. & en la
personne de tous les pauures Ecclesiastiques
qui meurent de faim à Paris, auec tant
d’autres pauures, quis cladent illius lucis quis
funera faudo explicet ? aut possit lachrimis equare
dolores. Que Paris ville fidelle à son Roy
despourueuë de sa presence biẽ plus qu’elle ne
fut pendant le temps du Supliant, & auec des
horreurs inconceuables qu’il voit des lieux de
sa prison Plutonique.

Qu’il est impossible d’aprocher l’oreille du
Roy pour luy communiquer secretement la
perte & ruïne totale de son Royaume, ayant
tousiours prez de luy vn de ceux qui ont depuis
tant d’années pillé à discretion, bien plus
que l’on ne faisoit en son temps.

Que le feu est aux quatre coings de la
France, & que l’artifice de ce feu ne prouient
que de la part de ceux ausquels le Roy
se confie.

Exemple, Cæsar fut tué par Brutus son
adoptif heritier, & la France est tuée par ie ne
sçay quelle racaille & gens de la lye des peuples,
qui ne lui sont de rien, estans mieux logez
dans leurs Palais & edifices bastis du sang des