Qu’il fut accusé de charmes par des enchanteurs
qui l’executerent, luy ostant la vie.

Que les merites de Mazarini, Manchini,
ny de tous ses sodalistes Mazarinans, ne
sont à parangonner enuers celles dont le
suppliant estoit doüé, pour la gentillesse, la
viuacité de son esprit & le beau langage duquel
il estoit decoré.

Qu’encor qu’il ne fust qu’vn faquin qu’il
estoit plus courageux que Mazarini qui ne
fut jamais homme d’espée.

Qu’il a tousiours paru dans les bonnes
compagnies dés ses tendres années, d’vn autre
stile que luy sans affliger les peuples.

Que sa femme condamnée, justement
par des Iuges mortels, estoit plus femme de
bien que l’accusante de ce temps là, & ses
escolieres Mazarines de celuy-cy.

Proposé que l’on n’est pas plus gens de
bien en l’année mil six cens cinquante-deux,
que l’on n’estoit en mil six cens dix-sept, &
que toute la France est ruinée par ces crocodiles
impitoyables.

Qu’il obeyssoit au lieu de commander
comme fait Mazarin.

Qu’il octroyoit tout sans refus, que ceux
qui estoient gueux & affamez pendant que