ny les seruices qu’il a rendus, tant en
Italie qu’en France, pendant le combat de
la vie mortelle, l’en rendroit du tout exclus,
neantmoins la fortune l’ayant eleué au plus
haut des fortunes, abusant de la bonté d’vn
Roy de France, a esté dans ces lieux Plutoniques,
sa mort causées par son attentat,
son sang ayant esté espandu dans vn lieu
qui deuoit estre l’azile & le port de salut des
hommes, là où on deuoit plustost obseruer
la clemence, que la iustice, la misericorde
que la rigueur, sous pretexte que l’on disoit
contre luy qu’il estoit trop puissant, qu’il
auoit fait fortifier des Places, qu’il auoit
pillé les magazins d’vne Couronne, que la
Cour sçauoit estre és champs Elyzeens, &
qu’enfin il s’approcheroit trop pres de son
Souuerain. La partie nommée se plaignant
sur tout, qu’encor qu’il merita la mort, qu’il
ne la deuoit souffrir auec vn si funeste malencontre.

Veu que par sa mort, ceux qui estoient
morts, se donnoient la vie, estant le prototipe
de la mort.

Que par vne longueur de temps & de
trauaux, il auoit acquis ce qu’vn autre posseda
en vn moment.