luy est subjete, c’est à tort qu’on l’appelle Imperiale ?
Enfin comment peut-elle accorder sa liberté
auecque la violence ? On dira icy que l’Infant Dom
Edoüard est frere du Serenissime Roy Dom Iean
IV. qui a détaché les Estats de Portugal de ceux de
Castille, & osté vne si belle couronne à Dom Philippe.
Voilà l’vnique response de ses aduersaires,
mais qui se destruit d’elle-mesme, n’estant fondée
que sur la tyrannie aussi bien que sur vne fausseté
manifeste. Le Roy de Portugal n’a pas pris vne
Couronne sur autruy, il n’a fait que rentrer en possession
d’vn Estat qui luy appartenoit legitimement,
& qu’on auoit vsurpé sur luy : Enfin il a osté
aux Castillans le moyen de nuire aux Portugais,
mais il ne leur a rien rauy de leurs droits. Mais
quand bien il auroit enuahy vn Royaume sur la
Castille, ie demande au Pere Quiroga si c’est vn
cas de conscience de sa Theologie, qu’il y ait vn
second peché originel qui passant d’vn frere à l’autre
frere, face prendre vn innocent au lieu de celuy
qu’on iuge coupable. Les liures mesmes des Heretiques
ne sçauroient establir vne opinion si ruineuse.
Il n’y a que l’exemple des enfans de Iacob
qui puisse persuader aux Allemands, qu’vn Prince
innocent, leur frere & leur compagnon durant
la guerre, peut estre vendu aux Ismaëlites, ie veux
dire aux Castillans. Il est certain que lors que Dom
Edoüard se trouua à la Diete de Ratisbonne, il
n’auoit nulle connoissance du soûleuement du Portugal,

Page précédent(e)

Page suivant(e)