que c’est sa querelle, & qu’il n’y a aucune
risque de se roidir contre le Mazarin &
de conspirer vnanimement sa perte, parce
qu’en premier lieu le peuple ne peut pas iamais
rencontrer l’occasion plus belle quelle se trouue
à present, toute la Maison Royale estant de
son party, duquel elle est inseparable, son Altesse
Royale s’est plainement declaré son protecteur
en enuoyant cet autre luy-mesme Madamoiselle
sa fille dans la ville d’Orleans, elle a
plus de part à l’Estat que personne, & cognoist
la iustice de la cause publique qui luy
est commune, tout le monde sçait ses intentions,
& son Altesse Royalle ne cherche que
se remede au mal, & non pas de faire la playe
plus profonde, Monsieur le Prince ne fait-il
pas tout ce qu’on peut esperer d’vn grand
Prince, dont le seul but est de ruiner promptement
le party du Mazarin, sans faire d’auantage
pastir le peuple par la longueur d’vne
guerre ciuile ; n’est-ce pas dans ce dessein
qu’il a laissé son armée de Guyenne à la conduite
de Monsieur le Prince de Conty son
frere pour venir luy-mesme mettre la main à
l’œuure par deçà, & poursuiure les Mazarins
iusques à leur entiere deffaite.