complaisance sous les volontez de sa mere ; &
que cette maistresse enuie de regner en absolu,
non moins en apparence qu’en effet, le portera
sans doute à n’estudier plus auec tant de soin,
le desir de la contenrer ; ce qui l’obligera infailliblement
d’en tesmoigner des ressentimens, qui
ne pourront éclater que pour seruir de planche à
quelque retraitte, & de pierre d’achopement, ou
descueil à la fortune de ceux qui se trouueront, ou
que sa Majesté jugera deuoir estre engagés à son
party. C’est pourquoy Mazarin preuoyant de
bonne heure cette necessité, se detachera insensiblement
de l’vnion qu’il a maintenant auec la
Reyne, à mesure qu’il se fortifiera dans la faueur
du Roy ; & fera tant, non moins par ses suggestions
que par ses secrettes menées, qu’il sera la
principale cause du schisme d’entre la mere & le
fils, afin que la diuision venant à se faire, il ne
soit point compris dans le desastre de la disgraciée,
à raison de cette connoissance prealable dont il
aura preocupé l’esprit du Roy, que non seulement
il ne sera point attaché à ce party, mais que mesme
il aura esté le principal moteur de cét eloignement.

Ie fortifie cette Politique d’vne suitte de raisonnement,
qui la rendra bien encore plus receuable,
si mon lecteur veut prendre la peine de considerer,
que Mazarin ne doit point s’opiniastrer à faire