Anonyme [1649], LE COVRIER DE LA COVR Apportant les nouuelles de ce qui s’est passé à S. Germain en Laye, Depuis le vingt-deuxiéme Mars iusques au dernier lour du mesme mois. En Vers Burlesques , françaisRéférence RIM : M1_76. Cote locale : C_2_41.
-- 7 --
Soustient le fardeau de l’Estat
Comme doit faire vn potentat,
Le Vendredy vingt-septiesme,
Animé d’vn desir extreme,
De mettre le peuple en repos
Enuoy assent vn de ses supposts,
A Ruel à cette Conference
Pour apprendre qu’elle esperence
On luy donneroit de la paix
Qu’il desire plus que iamais,
On fit sçauoir à son Altesse
Que par vne sentence expresse,
Le parlement à resolu
Comme tousiours il a voulu,
Que le Mazarin hors de France
S’en aille auec diligence,
La paix en apres se fera
Et qui pour iamais durera.
Le dernier iour de la semàine
Le grand Gaston fut bien en peine
Pour raconter tout ce discours,
A la Reyne qui veut tousiours
Que le Mazarin aye en France
De nos affaires l’Intendance,
Ayant recueilly ses esprits
Il luy dit qu’il auoit appris,
Que par la voix la plus commune
Il falloit que pour la fortune
Des François le sieur Mazarin
|