Se retirast auec son train,
La Reyne se mit en cholere
Disant qu’on luy vouloit desplaire,
Et ruiner ce grand Estat,
Alors Monsieur luy protestat
Que l’on tenoit la Conference
Pour le plus grand bien de la France,
Apres le Dimanche suiuant
Le Mazarin ayant le vent,
Qu’il falloit quitter cet Empire
Lors qu’il vit le Roy, luy dit Sire,
Il faudra donc qu’au premier iour
Ie m’esloigne de vostre Cour,
Le Roy d’abbord se prit à rire,
Disant c’est ce que ie désire,
Le Lundy qui suit en apres
Le Mazarin vn homme expres
Enuoyast à Ruel pour apprendre
S’il deuoit bien-tost s’en descendre.
Le Mardy trentiesme il apprit
Son congé couché par écrit,
On tient que le trente-vniéme
Il doit aller rendre luy-mesme,
Ses deuoirs & ciuilitez
A nos Messieurs les Deputez.