Anonyme [1649], LE COVRIER DE LA COVR Apportant les nouuelles de ce qui s’est passé à S. Germain en Laye, Depuis le vingt-deuxiéme Mars iusques au dernier lour du mesme mois. En Vers Burlesques , françaisRéférence RIM : M1_76. Cote locale : C_2_41.
-- 4 --
Ne sentant plus d’affliction,
Elle a mortit vne querelle
Qui bien souuent se renouuelle
Entre son Ministre Italien,
Et la riuiere qui n’a rien
Que du caquet & des paroles
Dont les effets sont des friuoles,
S’il auoit vn peu de valeur
Il feroit que ce grand voleur
Sortiroit bien-tost de la France,
Lors il auroit pour recompence
Le grand bonnet de Cardinal
Qui le garderoit de tout mal.
Le mesme Mardy l’on m’asseure
Que la Duchesse qui demeure
Dans Ruel qu’on nomme d’Aiguillõ,
A presenté plus d’vn million
A la Reyne nostre Regente,
Qui parut en estre contente :
Elle traitta splendidement
Les Deputez du Parlement
Qui sont dans ceste Conference,
Auec ceux-lâ de sa Regence.
Le Mercredy qui suit apres
La Reyne eut de tres-grands regrets
A lors qu’elle apprit la nouuelle,
Que son armée si fidelle
Auoit senti le rude effort
Du braue Archiduc Leopold,
|