Anonyme [1649], LE COVRIER DE LA COVR Apportant les nouuelles de ce qui s’est passé à S. Germain en Laye, Depuis le vingt-deuxiéme Mars iusques au dernier lour du mesme mois. En Vers Burlesques , françaisRéférence RIM : M1_76. Cote locale : C_2_41.
-- 5 --
Dieu n’authorise pas le Prince
Qui fait contre cette Prouince,
Sans doute que ce grand Bourbon
Auroit eu encore du bon,
Car on sçait bien que la victoire
Se plaist à conseruer sa gloire,
S’il n’armoit pas contre Paris
Il seroit de ses fauoris,
Et dans le milieu des allarmes
Son bras moissonneroit des Palmes
Et i’assure par sainct Denis
Qu’on l’estimeroit le Phenix,
Des plus grands Heros de la terre
Qui triomphent parmy la guerre,
Le Ieudy suiuant vn courier
Qui portoit mine de guerrier,
Approcha la Cour de la Reyne
Pour luy dire qu’en la samaine
Elle deuoit faire la paix :
Car les Normands les plus huppets
S’estoient desia mis en campagne
Pour ioindre les forces d’Espagne,
Et venir fondre à sainct Germain
Auec le genereux dessein
De punir l’iniuste insolence,
De nostre ministre de France :
Le mesme iour nostre grand Roy
Demanda à son Villeroy,
Son gouuerneur benin & sage
Anonyme [1649], LE COVRIER DE LA COVR Apportant les nouuelles de ce qui s’est passé à S. Germain en Laye, Depuis le vingt-deuxiéme Mars iusques au dernier lour du mesme mois. En Vers Burlesques , françaisRéférence RIM : M1_76. Cote locale : C_2_41.
|