Anonyme [1652 [?]], LA SVITTE DV PARLEMENT BVRLESQVE de Pontoise, Et les moyens de recusations, enuoyez par la ville de Paris à ceux qui le composent. , françaisRéférence RIM : M0_3727. Cote locale : B_15_35.
Les Cardinaux & leur faueur, Et vous tous de contraire humeur, Courrez apres son Eminence, Et prenez en main sa deffence ? Ah ! ie comprens vostre raison, Vn breuet en vostre maison, (Mais le breuet d’vne Abbaye) Vous peut faire aimer chose haye : Ainsi vous aimez Mazarin, Et Fardeau suit le mesme train ; Faisant voir qu’vn grand Ianseniste, Peut estre grand Mazariniste, Et qu’on peut sans difficultez Conioindre ces deux qualitez Auecque vne bonne Abbaye, Portant tiltre de Baronnye, Comme fait celle de Berné, Dont on luy bailla par le né, Lors que feu son Oncle fit flandre, Pour en l’autre monde se rendre, Et là voir si le Cardinal Fait loger les siens bien ou mal.
|