Anonyme [1652 [?]], LA SVITTE DV PARLEMENT BVRLESQVE de Pontoise, Et les moyens de recusations, enuoyez par la ville de Paris à ceux qui le composent. , françaisRéférence RIM : M0_3727. Cote locale : B_15_35.
Perrot, Tibeuf & Bragelone Nous sçauons bien ce qu’on vous donne, Et ce qu’en ne vous oste pas Pour suiure de Seue Mandas, De la Barre, & de Ville-neufue, Gens qui font tout pourueu qu’il pleuue : Ausi bien comme Tambonneau, Le Févre & le gros Menardeau, Qui pour obtenir l’Intendance Est Mazarin à toute outrance.
Quand à vous M. Champlastreux, Vous seriez vn malencontreux, Et de saincte Croix vostre Frere, Si le trantran de vostre Pere Vous ne suiuiez de point en point ; Car aussi bien n’en est-il point De plus Court n’y de plus facile Pour enrichir vostre famille, Et vous faire bien tost bailler L’écritoire de le Tellier.
Vous enfin Maistres des Requestes, Et tout ce que de Iuges estes En vostre Parlement chetif, Auez vous quelqu’autre motif, Pourquoy vous laissiez vos Confreres, Qui pourtant disent des lanleres, Et de vous & de vos Arrests, Que celuy de vos interests ?
Anonyme [1652 [?]], LA SVITTE DV PARLEMENT BVRLESQVE de Pontoise, Et les moyens de recusations, enuoyez par la ville de Paris à ceux qui le composent. , françaisRéférence RIM : M0_3727. Cote locale : B_15_35. |
|||||