Conty ou à ceux qui ont quelque credit sur son esprit,
les desordres des gens de guerre, ce Prince les a si
peu fauorisez, qu’en presence de Monsieur le Chancelier
il a prié Messieurs les Sur Intendans, de donner
eux-mesmes les ordres dans cette Prouince de Champagne,
& de choisir vne personne telle qu’il leur plairoit
pour faire obseruer exactement le Reglement du
Roy.

L’on pourroit se dispenser de respondre à quelques
autres legeres accusations, qui ne font à mon sens aucune
impression dans l’esprit des honnestes gens, comme
celle des soins qu’il a pris de gagner les Allemans,
du mariage du Marquis de la Moussaye auec la fille du
sieur Herlac Gouuerneur de Brissac, des fortifications
de Clermont, & Stenay, du dessein de metrre Bellegarde
en bon estat, & de faire acheter Auxone à l’vne
de ses creatures.

La condition des personnes de qualité qui s’attachent
aux Princes du Sang, seroit fort mauuaise, s’il ne
pouuoient prendre alliance auec des gouuerneurs de
places, qui sont dans l’obeïssance & le seruice du Roy,
& s’ils ne pouuoient esperer leur protection, en vne
occasion où il s’agist de l’establissement de leur fortune,
leurs seruiteurs seroient plus mal-heureux que les
personnes priuées qui peuuent receuoir l’assistance de
leurs amis. Cette alliance qu’on veut rendre criminelle
estoit vn nouuel engagement, & de nouuelles asseurances
du sieur Herlac, quoy que i’auouë qu’elles feussent
inutiles apres les tesmoignages qu’il a rendus de sa
fidelité au seruice du Roy, cependant si le Cardinal
Mazarin en eust esté bien persuadé, il n’eust pas mis au
nombre des crimes de Monsieur le Prince, ces soins
qu’il a pris de faire reüssir le mariage du Marquis de la
Moussaye auec vne des filles du sieur Herlac.