les moulins, qu’ils parurent, & en ce
lieu firent plusieurs descharges sur les Communes,
lesquelles se sentant offencées, coulerent
la main sur eux, & commencerent à s’entrechocquer ;
Des l’abord les Communes ne
furent pas les plus fortes, & quittoient le pied,
lors que le Cheuallier de Grinon, leur remit
le courage au cœur, & les mena vigoureusement
au combat, l’abord fut tres-aspre, & les
deux partis sembloient n’estre que feu : il y
eut apparence de quelque retraitte dans la vallée
de S. Disier en tirant vers Esclaron ; mais
cela ce faisoit, afin de surprendre les nostres,
lesquels cognoissant le peu d’asseurance des
ennemis, lascherent le pied & quitterent leur
poste, afin de les poursuiure les voyans contraints
de se battre en retraitte.