le plus sage des Politiques, le plus innocent de tous
les gens de bien, le plus glorieux de tous les gens d’honneur,
le plus puissant de tous les Roys, cede non pas à la
necessité, car il luy est tres-aisé de s’en affranchir ; mais au
desir d’vn peuple mutiné & furieux, & consent à sortir de
leur païs, par la porte de tous les opprobres & supplices
imaginables.

Ie suis bien esloigné de vouloir vous persuader vne retraite
espineuse ; celle que ie vous demande auec toute la
France est pleine de douceur, & accompagnée de toute
sorte de commoditez, elle ne vous coustera pas vn cheueu
de vostre teste, elle vous produira la paix & le repos aussi
bien qu’à l’Estat, & au lieu de ce coup de honte & de deshonneur
que vous en apprehendez, elle vous sera sans
doute vne source de gloire en cet âge, & à la posterité.

Que si vostre genereux esprit ne se veut rendre à la contrainte
que les armes des deux tiers de la France ont commencé
& continuëront tousiours de vous en faire, rendez
vous aux raisons que ie vous ay exposées, & à celles que
vostre bon Genie vous peut inspirer, mais sur tout rendez
vous à l’exemple que ie viens de vous produire.

Ie veux que nostre France n’ait eu aucun sujet d’esclater
en haine & en fureur contre vous, comme elle a fait depuis
deux ans, l’alienation des cœurs suffit à vous faire
quitter l’amour d’vn païs qui n’en a point pour vous. Vous
auez affaire à vn peuple tres-jaloux de sa liberté, & qui
porte la franchise iusques en son nom ; plustost donneriez
vous vn frein aux flots de l’Ocean qu’aux cœurs des François,
& si en toute autre occasion ils sont incapables de
contrainte, ie vois cette disposition en la pluspart de n’en
receuoir aucune à vous souffrir : les armes peuuent bien
porter la terreur dans les cœurs, non l’amour, toutes les
autres passions sont esclaues, mais l’amour est vne Reine
qui ne peut estre forcée, Dieu mesme ne veut & ne peut
la contraindre, il plie tous les jours sous la trempe de nos