Morgues, Mathieu de [1643], LES DEVX FACES DE LA VIE ET DE LA MORT DE MARIE DE MEDICIS ROYNE DE FRANCE VEFVE DE HENRY IV. MERE DE LOVYS XIII. ROYS TRES-CHRESTIENS. DISCOVRS FVNEBRE. Par Messire MATTHIEV DE MOVRGVES Sr. de Sainct Germain, Docteur en Theologie, premier Aumosnier & Predicateur de ladite DAME ROYNE; Predicateur du ROY CATHOLIQVE, & Preuost de Harlebeke en Flandres. DEDIÉ A LA ROYNE CATHOLIQVE. , français, latinRéférence RIM : Mx. Cote locale : D_1_3.
-- 10 --
& femme de Sigismond Roy de Boheme, nous fait
voir des commencemens heureux, suiuis des malheurs
si espouuãtables par les poursuites d’vn ingrat
qu’ils font horreur à ceux qui les lisent. Marie sœur
d’Alexis Comnenus, aprés vne grande felicité fut
miserable & emprisonnée, pour s’estre opposée à
Sebastocrator, qui abusoit de la bõté de l’Empereur
& vouloit enuahir l’Empire. Ie ne dis rien de Marie
femme de l’Empereur Nicephore Botoniates ; ny de
Marie vefue de Bauldouin Roy de Ierusalem ; ny de
Marie Mere de Ferdinand Roy de Castille, auquel ses
entreprises reussirent, lors qu’il traicta bien sa Mere ;
tout luy ayãt mal succedé lors qu’il l’affligea. Marie
heritiere de Bourgoigne fut en son enfance & ieunesse
fort trauersee, & eut beaucoup de contentement
en son mariage le siecle passé nous a fourny
l’exemple de l’vne & de l’autre condition heureuse
& malheureuse en vne Marie, laquelle a passé du lit
d vn Roy de France, & du Throsne du Royaume
d’Escosse sur l’eschafaut & sous l’espée d’un infame
boureau. Ie laisse plusieurs autres Maries pour retourner
a celle, qui a esprouué dauãtage cette alternatiue
vicissitude de ioye & de tristesse ; c’est la glorieuse
Vierge Mere de Iesus laquelle a esté esleuée
sur les plus hautes felicités que Dieu puisse enuoyer
à vne femme ? & par apres a esté plõgée dans les plus
profondes aduersitez qui soient arriuées à vne Mere
|