& tousiours consolée L’amour parfait, qui auoit son
obiet dans le Ciel, ne pouuant estre en terre sans
douleur, nous pouuons asseurer, que celle qui a beaucoup
aimé, a par consequent beaucoup souffert.
Les trois Maries parentes ou alliées de Iesus voyoient
auec grande satisfaction ses miracles, entendoient sa
doctrine & les louanges que les Peuples luy donnoient ;
mais elle le virent aussi tourmenté par les
bourreaux, & attaché entre les voleurs. Si sa Resurrection
glorieuse les a resiouies : leur bannissement,
les dangers sur la mer, & la mort hors de leur païs,
estoient capable de les atrister. En suite de ces histoires
que l’Euangile & les Traditions fournissent à la
preuue de ma proposition, i’en pourrois produire
d’autre qui monstreroient, que Marie sœur de Moyse
peut auoir esté la premiere de ce nom, mais non pas
la seule tantost heureuse, & tantost malheureuse.
Apres le passage de la mer rouge, elle mene la danse
des filles & femmes Israëlites, & entonne la chanson
de triomphe : quelque temps aprés, elle est aigrement
tancée par ses freres Aaron & Moyse, & est touchée
de ladrerie. Ie ne pretends point faire vne liste de
toutes les Maries qui ont ressenty les contrarietez du
bien & du mal qu’on rencontre en ce monde. En
traictant des felicitez & infelicitez d’vne Royne, ie
ne veux prendre que l’exemple des Reynes. La vie de
Marie ; fille & heritiere de Loys Roy de Hongrie,

Page précédent(e)

Page suivant(e)