de sa maiorité, quoy qu’il y ait vne paix, d’obliger les
Bourgeois de financer, & que les emprunts de sa Maiesté
auront lieu & les Paris sans remis ; cela estant vostre Eminence
y trouuera son compte. Conseruez-vous, & gardez
qu’on ne mette quelque chose dans vostre potion ou
potage, par on ma dit que quelqu’vn des vostres s’est laissé
corrompre par argent, d’vn Seigneur qui pretend auoir
esté mal traitté de vous : ces deux Dames vous en entretiendront
& diront beaucoup de particularitez, ie croy
que leur donnerez bonne attention veu l’accez qu’elles
ont l’honneur d’auoir auprés de vostre personne, elles ont
habit d’homme, afin d’affranchir la capture des Soldats
de la ville.

Si les Bourgeois n’estoient retenus, ils iroient vous assaillir
iusqu’à sainct Germain, ils veulent absolument se
venger des iniures qu’ils disent auoir souffertes : la paix
quoy que desirée, neantmoins ce n’est auec tant de passion
que vostre perte : les cris qui retentissent par les ruës, les
voix qui se font entendre au Palais, & les assemblées publiques,
tout conclu à vostre perte sans resource.

Mais ce qui blesse dauantage mes oreilles & navre
mon cœur, ce sont les paroles atroces & scandaleuses, qui
se publient par tout, mesme les plus religieux ne se peuuent
empescher d’inuectiuer & blasmer. Les Theologiens, ensemble
les Philosophes & les Casuistes se fondent sur l’Ecritur,
& par icelle ils concluent par des consequences
tirées d’Argumens solides, que vous deuez perir, ils en
donnent de fortes preuues.

Ie voudrois que vostre Eminence, peust iustifier son innocence,
afin de reprimer toutes les calomnies contre elle