prononcée, mais ie conseille plutost de chastier ce malin
Peuple, qui sans raison vous accuse de choses dont vous
estes innocent, ayant tousiours eu des motifs de bon[1 lettre ill.]é,
mais ce n’est que l’enuie qui les possedent, à cause que l’excellence
de vostre esprit & bonne conduite, ont procuré à
vos merites, les honneurs & la gloire que vous possedez
à la Cour.

I’aduertis vostre Eminence qu’on fait encores des leuées
de Soldats à Paris, & vn chacun se fournit d’allimẽt
necessaire, songez au plutost de refermer les passages,
sinon le Peuple estant fourny, il sera apres inuincible.
Vous sçauez que ne le pouuez auoir que par famine, si
la presente reüssi, i auray l’honneur de vous enuoyer beaucoup
de secrets, ces Dames vous en communiqueront
quelques vns. Croyez celuy qui se dit auec toute reuerence,

De vostre Eminente Seigneurie,

Le tres-humble & tres-affectionné
seruiteur

Voila le tissu de cette Lettre, cependant on a conduit
ces femmes à l’Hostel de Ville pour estre interrogées, &
pour receuoir le iuste chastiment qu’elles exigent.