de celles qui les fauorisent ; Nous aurions desia
executé cette resolution, si la rebellion du
Duc de Rohan ne nous eut retenu icy pendant
quelque iours pour l’estouffer dans sa naissance,
Mais comme son entreprise temeraire ne
luy a reussi iusques à present que par le pouuoir
que nous luy auons donné dans cette Prouince,
dont par vn artifice digne de chastimẽt
il s’est seruy, pour seduire vne partie de nos peuples,
& les porter à la desobeyssance par diuerses
suppositions, Nous nous promettons dans
peu de temps d’y auoir restably le calme par
nostre authorité, toutes les villes qui la composent
nous ayans desia rendu à nostre arriuée
vne entiere obeyssance, & executer auec beaucoup
de zele tout les Ordres que nous y auons
voulu enuoyer, Il ne reste plus que celle d’Angers,
ou par le moyen de quelques seditieux
du menu peuple qu’il a engagez dans la reuolte,
& qu’il tasche encores d’y retenir par l’apprehention
qu’il leur donne du chastiment
qu’il leur a fait meriter, il a osté iusques à present
aux principaux Habitans, tant Officiers
que Bourgeois, quoy qu’on beaucoup plus
grand nombre, la liberté de nous rendre l’obeyssance
qu’il nous doiuent, dont ils nous
ont enuoyé tesmoigner leur déplaisir par diuers
Deputez. Cependant reconnoissant bien
que ce mouuement qui n’a point d’apuy solide,

page précédent(e)

page suivant(e)