& n’en peut receuoir, ne scauroit plus durer
qu’autant qu’il nous faut du temps pour
faire marcher nos Troupes iusqu’aux portes
de ladite ville ; Nous esperons bien tost d’estre
en estat de reprendre le chemin de Paris, & d’aler
en personne garentir la Capitale de nostre
Royaume, que nous aimons tendrement, des
maux qu’on a proietté de luy faire souffrir par
l’approche des Espagnols, les nouueaux tesmoignages
que ses Habitans nous ont rendus
depuis peu de leur affection & fidelité à nostre
seruice, ayant encores augmenté de beaucoup
l’amour & la tendresse que nous auons tousiours
eu pour eux, dont ils receuront des preuues
en cette conioncture, & en toutes celles ou
il s’agira de leur bien, La fermeté que vostre
Compagnie a fait paroistre toutes les fois que
l’on a voulu faire prendre quelque establissement
aux Espagnols dans nostre Royaume, &
l’horreur que vous auez tousiours euë pour de
semblables attentats, Nous donnent asseurance
qu’estans informez de tout ce qui ce pasle,
& des iustes resolutions que nous prenons,
vous employerez soigneusement & auec courage
dans vne occasion si importante, le pouuoir
que nous vous auons donné pour contenir
vn chacun dans son deuoir, & pour oster
à tous ceux qui voudroient entreprendre contre
nostre Autorité, de la quelle depend principalement

Page précédent(e)

Page suivant(e)