La Campie,? de [1649], LES PROFANATIONS MAZARINIQVES, OV LE TRVCHEMENT DE S. DENIS, APPORTANT LES NOVVELLES DE SA DESOLATION. Par le Sieur DE LA CAMPIE, Gentil-homme Perigordin. , françaisRéférence RIM : M0_2897. Cote locale : A_6_75.
Que ces fiers estrangers sortis de cent batailles, Escrasez du debris de ces tristes murailles, Parlent en expirant de tes rares exploits, Et punis ces mutins dont la fureur auare, Trouble si laschement le repos de nos Rois, Pour asseurer celuy d’vn traistre & d’vn barbare.
Il faut suiuant le pas de tes nobles Ancestres, T’immoler noblemẽt au bon heur de tes Maistres, Et les faire sortir des mains de ces Tyrans, Qui n’ayant pas encor leur fureur assouuie De tant de lâchetez qu’ils leur firent viuans, Les vont persecuter encor apres la vie.
Ie sçay que se couurant d’vn grossier artifice, Ils osent se vanter, que la mesme Iustice Leur met le fer en main, pour nos Roys genereux : Mais ce sont des discours que ie ne peus cõprendre, S’ils ont & tant de zele & tãt d’amour pour eux, Lasches, pourquoy vont-ils en agiter la cendre.
Mais qu’ils n’aleguent plus cét inutile excuse, La prudence nous met à couuert de leur ruse, Nous sçauons leur dessein, & brauons leur effort :
| |||||