RELATION VERITABLE,
des vrai motifs du Retour du Cardinal
Mazarin ; Auec la deffaite de son
Arriere-Garde, par le Cheualier de
Guyse : Ensemble la Response de la
Reyne au Courrier de Son Altesse
Royale.

LA joye que nous auions de la retraitte
du Cardinal Mazarin a esté courte ; car
comme nous esperions que son éloignement
hors de France nous causeroit la paix,
la nouuelle de son retour nous en fait perdre
l’esperance, attendu que cela desoblige son
Altesse Royale & Messieurs les Princes d’effectuer
les choses qu’ils auoient promises
par leur Declaration : Sçauoir, de poser les
Armes aussi-tost qu’ils seroient asseurez que
le Cardinal seroit hors de France, ce qu’il
n’a pas fait, & n’est point resolu de sortir
hors du Royaume.

page précédent(e)

page suivant(e)