publique par de bons Arrests, contre ceux
qui entretenoient des intelligences auec
le Cardinal ;

Monsieur le Premier President ayant
repris le discours, à derechef înuité Monsieur
le Prince, de rendre ses debuoirs à
leurs Majestez. Que le repos public despendoit
de cette Visite ; que c’estoient les
vœux de la Compagnie, & qu’il estoit estrange
qu’vn Prince du sang Royal demeurast
dans Paris comme vn particulier ;
que c’estoit esleuer Autel, contre Autel.

A quoy Monsieur le Prince repliqua
à l’instant, Qu’il estoit né Subiet ;
Que de chercher sa seureté, n’estoit point
esleuer Autel, contre Autel ; & qu’apres
vne prison de treize mois, on ne pouuoit
trouuer à redire qu’il apportast
pour sa conseruation toutes les precautions
raisonnables. Qu’il ne manquoit
point de respect enuers le Roy & la Reyne,
& qu’il n’en manqueroit jamais ; &
que personne ne luy pouuoit faire de leçon
sur ce sujet ; Que son Altesse Royale en