estre qu’à Paris ; puis que c’est le cœur de toute cette
Monarchie Françoise.

Apres cela, vostre Majesté ne sçauroit faire que peruertir
l’ordre de la Nature, & que s’opposer à la Voix
de Dieu, si elle ne nous redonne pas vn Souuerain
que Dieu mesme nous a desia dõné par vostre moyen,
& si elle ne remet pas les choses en l’estat qu’elles doiuent
estre. Vous auez bien fait cesser les troubles de
cet Empire ; mais vous n’auez pas encore calmé les
passions de nostre ame. Vous nous auez bien appris
nostre deuoir ; mais vous ne nous auez pas encore
donné tout le bien que nous esperions d’vne si belle
science.

Vostre Majesté s’estant chargée de la conduite de
ce grand Estat, en doit cherir tous les subjets, comme
membres du Souuerain, que vous estimez plus
que vous-mesmes : Et puis qu’il fait luy seul tout vostre
bien, celuy qui luy appartient, vous doit estre
aussi en quelque façon considerable. Ses interests doiuent
produire tous vos desirs : mais l’amour de Dieu
doit estre l’obiet de toutes vos inclinations, & de
toutes ses esperances. Traitez donc de grace vos Sujets,
de la mesme sorte que ce Souuerain Seigneur
traite ses creatures ; puis que c’est le vray exemple de
la vie Chrestienne. Meslez la Clemence auec la Pieté
en faueur de vos pauures subjets, & vous ferez vne
action qui comblera tout l’Estat, d’vne felicité permanente.

Dieu s’accommode bien aux inclinations des hommes,
& sa diuine Majesté ne traite iamais auec eux,
que ce ne soit tousiours auec plus de douceur, que de
force. Il vse de temperance auec les fougeux & les
violens : Il fait le clement auec ceux qui l’offencent
tous les iours : Il s’humilie pour nous exalter : Il se
conuertit tout en misericorde, pour suruenir à nos
besoins : & il donne ses biens & son amour, à ceux-mesmes