ses ressentimens dans vn tel malheur leurs
A. A. enuoyent à tous moments visiter le Duc
de Beau-fort de leur part & tachent de faire tenir
secret le lieu de sa retraicte afin qu’il ne soit
pas importuné par l’affluence du peuple qui accouroit
à la foule s’il estoit en lieu ou l’õ le peut
voir, c’est pourquoy le Duc de Beau-fort, a
choisi les Cellules de plus austeres & de plus
retirez pour y sejourner, quelques vns estiment
que ce soyent au Chartreux qu’il est à present,
d’autres dans les Capucins de la ruë S. Honoré,
peut estre que son A. n’est ny chez les vns ny
chez les autres, & quelque part ou il est nous
pouuons dire qu’il est au cœur de Paris, ou des
Parisiens, & que nous le reuerrons bien tost à
la teste de nos Armées pour nous defendre &
pour gaigner des Victoires.

Personne ne doit reuoquer en doute que la
Cour de Parlement ne le declare innocent ou
n’interine les Lettres de sa grace, le Cartel de
deffi & les lettres du deffunct Duc de Nemours
qui l’ont souuent prouoqué, & qu’il peut mettre
entre les mains de la Cour luy seruiront de
iustification, apres laquelle il reprendra l’exercice
de sa charge.

Il y en a plusieurs qui soubçonnent le Cardinal
de Retz, d’auoir reueillé la querelle & s’estre