Naissance qui la destiné au public il est encore
nostre, par vn tiltre que luy mesme estant aussi
iuste que bon, ne nous peut pas faire perdre. Il
a reculé tant qu’il a peu & a contraint mesme
son courage, pour ne nous pas attrister par son
esloignement ou par sa perte, maintenant il
s’est retiré dans la Solitude pour deplorer le
malheur de son Beau frere nous luy deuõs donner
quelque tẽps ou du moins luy en relacher
quelques moments qu’il recompensera bien
tost par de plus agreables victoires. Il s’est retiré
de la foule & de la presse non pour l’euiter
mais pour la considerer mieux Celuy qui defit
Annibal & qui rẽdit Rome d’Esclaue, l’Emperiere
de l’Vniuers se retira dans la Solitude, ce
grand Scipion nous a laissé cette belle Sentence
qu’il n’estoit iamais moins oisif que lors qu’il
estoit dans l’oisiueté. Le Sage peut viure content
par tout, ou seul, ou dans la foule du Palais.
Ne nous alarmons point si nous sommes
priuez de la veuë de Monsieur le Duc de Beaufort,
il ne nous a pas abandonnez il s’est retiré
tandis qu’on trauaille à faire voir son innocence,
son A R ne peut supporter qu’auec vn extreme
regret l’absence de son cher Nepueu, il a
tant de tendresse pour luy qu’il en a mesme
versé des larmes. Le Prince de Condé, a partagé

Page précédent(e)

Page suivant(e)