pas vn parmy XX. Articles dans lequel on
fasse instance pour leur soulagement : Mais
mesmes que ceux qui n’auoient depuis peu
en bouche que les Interests des Peuples, auroient
demandé par vn Article exprés la continuation
de leurs miseres, & de toutes sortes
d’Imposts dont ils sont accablez.

Quand V. A. R. proposera au Roy les Articles
de Paix qu’elle aura concertés dans son
Conseil, les Peuples ne peuuent pas craindre
que leurs veritables Interests soient oubliez,
sans douter de la fermeté de vostre
parole, dont le dégagement doit estre remplacé
de preuues qui soient notoires à tous.
Quand bien mesme cette necessité qui part
d’vn libre engagement de vostre foy, ne vous
obligeroit point à vous interesser pour eux :
V. A. R. y seroit conuiée par les souffrances
publiques, & la desolation generale qu’vne
Guerre Ciuile a répandu dans cét Estat.
Cette bonté Royale, que ie puis dire sans
flaterie, vous estre naturelle, seroit prouoquée
par les gemissemens de tant de Peuples
qui n’ouurent la bouche qu’aux soûpirs, & ne
goûtent que l’amertume des larmes qui leur