coulent des yeux.

Vous n’ignorez pas, MONSEIGNEVR,
que la desolation & le crime sont les fruits
de la Guerre ; qu’il ne faut qu’vn logement
pour faire d’autant d’hostes, autant de mendians ;
& que les troupes estrangeres pillent
auec vne licence qu’on ne peut contenir. Pour
auoir deuant les yeux des preuues de ces veritez,
il n’est pas besoin d’aller à la Campagne
pour veoir des miserables : en quantité de
lieux on n’en trouueroit point du tout, parce
qu’on n’y trouueroit point d’hommes ; partie
ayant esté tuez, & la langueur ayant conduit
le reste au dernier remede. Paris, ce grand
abregé de la France, l’est à present de ses miseres ;
la multitude extraordinaire de mendians,
& de pauures honteux dont cette Ville
est remplie, fait entrer à tout moment en
connoissance & en compassion de la perte
qu’a fait le Laboureur, l’Artisan, & le Riche.
Ce n’est encore là, pour le dire ainsi, que la mõtre
des souffrances publiques, n’estant point
de maison en France, pour accommodée
qu’elle soit, qui n’ait ressenty de l’incommodité
de cette Guerre. Ie n’excepte pas celles