priués pour quelques sepmaines. Madame vostre
veufue est tousiours fort triste à ce qu’on dit, & tesmoigne
qu’elle n’en trouuera iamais vn qui vous
vaille, quand elle en changeroit tous les iours d’icy à
dix ans. En suite il leur declara tout ce qui a esté ordonné
par les derniers Arrests du Parlement en faueur
de Monsieur le Duc d’Orleans, & contre le
Mazarin, & leur en eust encore raconté beaucoup
d’auantage, bien que le Manzini tesmoignast qu’il
n’estoit pas beaucoup satisfait de la liberté de ses discours,
sans qu’ils entendirent vn bruit en l’air, pareil
à celuy que fait vn essein de mouches à miel, volant
d’vn lieu en vn autre. Ce sifflement les ayant mis
dans l’impatience de sçauoir ce que c’estoit, le Genie
du lieu qui s’en apperçeut aussi-tost, leur dit que
c’estoit l’Ombre de quelque grand Seigneur fort
ieune, mort d’vne mort violente, qui s’en alloit accompagné
de plusieurs ombres qui luy faisoient
compagnie par honneur, dans quelque quartier de
ces Champs Elisiens, où residoient ceux qui auoient
peri par vn mesme genre de mort que luy. Helas !
dit Manzini la larme à l’œil, & poussant vn grand
souspir de sa poitrine inuisible, c’est mon pauure
Oncle sans doute, que quelqu’vn de ses Gardes a
pris en traistre, pour auoir les cinquante mille escus
qu’on promet à celuy qui sera ce coup. Ce sifflement
montre qu’on luy fait encor violence, & les ombres
des Frondeurs se plaisent peut-estre à l’agiter en passant.
Vous deuiez dire, dit saint Maigrin, comme
les autres oiseaux font vn Chat-huan, mais point

page précédent(e)

page suivant(e)