la Cour de France, luy rapporta que celle d’vn drolle
bien resolu l’attendoit dans sa grotte, pour luy
en dire toutes sortes de nouuelles. Saint Maigrin si
rendit aussi-tost, & trouua cette Ombre assise sur le
bord de son lict, d’où elle se leua soudain pour luy
faire la reuerence, & Dieu te garde saint Amour,
luy dit le Marquis, car c’estoit l’Ombre d’vn Caualier
de sa connoissance, mort d’vne débauche,
apres auoir esté mal pense des blesseures qu’il auoit
receues au faux bourg saint Antoine. Mais dy nous
vn peu des nouuelles de la Cour, comment se porte
le Roy, la Reyne, le sieur Mazarin, à qui nous sommes
tous si fort obligez, Madame ma veufue, enfin
tous nos amis de par de là, qui furent de ta connoissance.
Puis que vous m’ordonnés de vous en parler
franchement, dit l’Ombre de ce Caualier, ie vous
diray hardiment, que ie n’estois pas le seul malheureux
qui fust à l’armée du Roy. La Cour est tousiours
à Pontoise, où elle reste par necessité, car au
Diable la Ville qui la veut receuoir auec le Mazarin.
Il pensoit bien aller en Normandie, mais zest, comme
il a pris Paris : ils ont assez veude guerre ces bons
Normãds, ils n’ont plus enuie d’en gouster. Toutes
les autres Prouinces ont tesmoigné la mesme resolution,
en prenant la Paille : Si bien que ie ne voy
pas en quel lieu desormais il se peut refugier, s’il ne
suit le chemin qu’il nous a fait prendre. Au reste
leurs Majestez se portent fort bien, & beaucoup de
personnes en leur Cour assez mal. Parce que l’air de
la Seine ne leur semble bon qu’à Paris, dont ils sont

Page précédent(e)

Page suivant(e)