Mazarin. Il m’a dit qu’ils ont des magazins
pour six mois.

La Riuiere. Et bien, il les faudra aller forcer, &
tout mettre à feu & à sang.

Mazarin. S’il n’y auoit des chaisnes & des
pierres dans Paris, cela se pourroit faire.

La Riuiere. Lucifer eucore vne fois y pouruoira,
n’en soyez en peine.

Mazarin. Mais à vous, que vous ont promis
de bon les demons.

La Riuiere. Tout bon, cõme à l’accoustumée.

Mazarin. Vous auez fait heureusement vostre
offrande.

La Riuiere. Le plus heureusement du monde,
i’ay baisé le derriere du bouc, i’ay dancé comme
les autres, & ay fait toutes mes fonctions
accoustumées.

Mazarin. Belzebuth, que vous a-il dit de bon.

La Riuiere. Il m’a dit qu’il n’auoit pas charge
de me rien dire de ce temps icy, mais que ce
sera pour la premiere fois. Il m’a tousiours continué
mes caracteres, pour donner à Monsieur
comme i’ay accoustumé.

La Riuiere. Vous en a-il donné pour Madame.

Mazarin. Ny pour Madame, ny pour Mademoiselle ;
veu que ie n’en puis pas donner à
ceux qui me veulent mal, mais c’est dequoy