qui vous sembloient autrefois si erronées
& si criminelles, & c’est ce qui fait iustement
conclure que le sousleuement de Monsieur le
Prince est & sera aussi équitable, aussi legitime,
& aussi necessaire dans son milieu & dans sa fin,
qui’l l’a iamais sceu estre dans son principe, parce
qu’en effet le Cardinal est reuenu, & parce
que quand il s’en iroit tout presentement, il
reuiendroit encore, tant que la Reyne aura le
Roy à sa deuotion, & tant que sa Maiesté ne se
seruira que d’vn Conseil Mazariniste.

Si les causes de l’emprisonnement de Monsieur
le Prince, estoient telles que vous venez
de les exposer dans vostre Libelle, vostre con
sequence ne seroit pas mal tirée : mais puis
qu’elles sont d’vne nature toute contraire à celles
de l’esloignement de Mazarin, ainsi que
nous venons de le verifier par ce que nous venons
de dire vous ne trouuerez pas mauuais s’il
vous plaist que ie les mette au nombre des discours
perdus, & que ie condamne vostre sentiment
par le mespris d’vne proposition si fallacieuse
que la vostre.

Page 23. &
24.

La reponse à sa troisiéme preuue de l’iniustice
du party de Monsieur le Prince est comprise
dans la réponse que ie viens de faire à sa deuxiéme.
Si la Guyenne, la Xainctonge, la Champagne,
l’Isle de France, la Brie, la Beausse, &