les armes, que ce tyran ne soit banny de
l’Estat, & qu’il ne soit tres-asseuré qu’il n’y retournera
iamais plus de sa vie.

Voyez apres cela sans passion, Monsieur le
funeste Politique, si Monsieur le Prince auoit
suiet de se retirer de la Cour ; s’il auoit suiet de
leuer le masque : s’il auoit suiet de deliurer les
Commissions dedans & dehors le Royaume,
pour faire le salut de l’Estat & le sien : s’il auoit
suiet d’imposer des contributions pour subsister
dans vne si sainte & si glorieuse entreprise :
& s’il auoit suiet d’assieger, de piller, & de mettre
le feu à toutes les places qui s’estoient declarées
en faueur du tyran de la cause commune.

Considerez tous les Estats de la terre, depuis
le commencement des siecles iusques à present,
il n’en est point qui puisse excuser les perfidies
d’vn Ministre si criminel, & si funeste au
Roy, à l’Estat & aux Princes. Quels actes d’hostilité
n’a-t’il pas faits par tout où il a passé contre
des peuples innocens, & contre les veritables
deffenseurs de la liberté publique. Si quelques
mauuais Politiques François ont condamné
les armes de Monsieur le Prince pendant
l’esloignement de ce fameux & abominable
criminel, c’estoit parce qu’ils ignoroient le passé,
& que les mysteres de l’aduenir leur estoient
incomprehensibles. Le present iustifie des opinions