de tous ces malheurs proiet vn ambitieux qui
gouuerne l’esprit du Duc d’Orleans, en luy donnant
quantité de benefices & luy promettant vn
Chapeau de Cardinal, au moyen dequoy ils ont ensemblement
abuse de la bonté des Princes & attiré
de luy promesse de protection ; de plus comme il
auoit besoin du Prince de Condé pour l’execution
de ses desseins, il a tant fait qu’il a gagné ce Prince à
luy à l’estonnement de tous les bons François, qui
ne peuuent se lasser d’admirer comme il est possible
qu’vn premier Prince du sang si sage & si genereux
ayt voulu promettre assistance à vn si meschant
homme, enfin pensant auoir toutes les forces & les
puissances de la France en sa disposition, il a pour
vne seconde fois enleué le Roy & fait bloquer la ville
de Paris par des estrangers, qui par ses ordres ont
vollé, pillé, bruslé, ruiné, tuë, violle femmes &
filles, profanné les Eglises & les choses les plus sainctes,
& apres toutes ces choses vous l’appellez innocent
& vous demandez sa grace ; allez Monsieur
retirez vous & pensez à vostre bon heur de ne pouuoir
plus estre iuge à present que nous sçauons icy
comme toutes choses se passe, s’il y auoit encore du
remede, vous n’en seriez pas quitte pour si peu.
Apres que Radamante eut ainsi renuoyé le Cardinal
de Richelieu bien estourdy & tout effrayé, Pluton
qui a quelque amitié pour luy à cause de la
beauté de son esprit, & du plaisir qu’il prend quelquefois
dans son entretien, l’appella comme il s’en

page précédent(e)

page suivant(e)