alloit tout tremblant & le remettant vn peu de sa
frayeur luy dit, Cardinal, auparauant que le destin
de vostre collegue soit conclud (car apres ie ny
pourrois plus rien) en vostre consideration, ie remets
sa peine eternelle à cent ans, pourueu qu’il
fasse restituer à la France la moitié de ce qui luy a
vollé depuis qu’il est au ministere, autrement son
arrest sera executé, & voila son destin apres Ces
redoutables parolles ainsi prononcées voila son destin,
il ny eut plus de replique, ce fut vne chose faite
& qui ne peut iamais estre reuoquée, tellement
que Pluton voyant qu’il estoit temps de voir ou
estoit le Mazarin affin de luy faire prononcer son
arrest ; il deputa le Cardinal de Richelieu pour aller
veoir en quel estat estoient les choses au dehors,
mais il ne fut guerre loing sans apprendre qu’on l’amenoit
en triomphe & si doucement, qu’a peine
marchoit il, tant il estoit las du grand voyage qu’il
auoit faict, il apprit aussi la mesprise de la sentinelle
& du Caporal qui auoient eu si peur dés qu’ils ouyrent
prononcer ces paroles de Mazarin Cardinal
qu’il s’escrient, sans se donner patience d’entendre
le reste des qualitez qui eussent seruy à l’esclaircissement
de leur equiuoque ; ce qu’ayant appris le Cardinal
de Richelieu, il rentra & fit son rapport à l’assemblée,
laquelle quoy que tres serieuse ne peut
s’empescher d’en souscrire, enfin le Mazarin estant
arriué on le fit entrer & comparoir, Minos l’interroga
& lui demanda qui il estoit & ce qu’il auoit

Page précédent(e)

Page suivant(e)