de s’oposer au restablissement de Maz.
pour les interests de sa Maiesté ; celle que ie m’en
vay deduire ne rendra pas encor cette necessité
moins euidente, lors qu’on considerera comme
il est échapé à nostre Ambassadeur, de le cõfesser
en quelque cõpagnie, que la froideur de sa Saincteté
pour la France, n’est qu’vn pur effet de la
protection qu’on y dõne au plus mortel de tous
ses ennemis, par l’aduis duquel on estoit sur le
point il y a 5. ou 6. ans de trauerser l’eslection de
ce Pape & de luy declarer la guerre, si feu M. le
Prince n’eust protesté hautement contre ce dessein,
qu’il fit voir entierement contraite à la pieté
de leurs Maiestez Tres Chrestiennes, & à l’ancienne
coustume qu’ils ont eu de tout temps de
ne se departir iamais du respect que le glorieux
titre de fils aisnez de l’Eglise leur faisoit inuiolablement
conseruer pour le saint Siege.

Certes s’il ne tient qu’a nous défaire du Maz.
pour nous remettre dans les bonnes graces de sa
Sainteté auec laquelle tous nos meilleurs politiques,
& nos plus inuincibles Monarques mesmes
ont iugé de tout temps, qu’il estoit tres importãt
pour les affaites de nostre Estat, que nous fussiõs
en vne parfaite intelligence ; il ne tient qu’a peu,
& nous sommes les plus abandonnez de sens cõmun,
qui soient sous le Ciel, si ce motif secondé