Anonyme [1649], RECVEIL GENERAL, De toutes les Chansons mazarinistes. ET AVEC PLVSIEVRS QVI N’ONT point estées chantées. , françaisRéférence RIM : M0_3055. Cote locale : C_8_44.
Voulant faire payer quelque subsiste Au Paysant qui n’estoit pas licite, A mesme instant mirent les armes en main, Furent trouuer ce perfide inhumain.
Ce meschant Monopoleur prit la fuitte, Tous les Paysans furent à la pousuitte Il receut plusieurs coups sur son corps Si bien qu’il fut blessé jusques à la mort.
Prest à mourir ce traistre abominable, A tous momens il se donnoit au Diable, Ne voulant point receuoir confession Qui est la cause de sa damnation.
Estant au dernier souspir de sa vie, Sans regretter sa miserable vie, Il blasphemoit le nom du Createur, Comme vn meschant traistre persecuteur.
Tous ses parens pour couurir sa malice, Luy firent faire vn assez beau Service, Mais il auoit à l’article de la mort, Au Diable donné son ame & son corps.
Ayant mis en terre ce miserable, Diuerse fois vne voix effroyable, S’escriant pour moy ne faut pas prié Ie suis damné pour vne eternité.
Dans les Enfers an tang des infidelles : Me faut brusler dans les flames eternelle. Pour auoir fait languit les innocens, Ie suis priué du Sauueur tout-puissant.
Aussi-tost fut deterré par les Diables, Ayant pouuoit sur cét abominable, Ils dechirerent son corps par morceaux, Ne laissant point de chair dessus les os.
A ses parens subjet bien memorable, L’ombre s’aparut chose veritable, Et leur dit serué bien le Souuerain ; Ne vous damné pour l’argent qui n’est rien.
Voylà la vie & la fin miserable, De ce meschant vipere trop miserable, Seruiteur Domestique à Lucifer, Pour sa recompence il est aux Enfers.
Dans nos corps ne seront point l’auarice, Au doux Iesus rendons humble seruice : On n’entre point au Ciel par les grandeurs, Mais bien par la bassesse & la douceur.
Prions Iesus & la Vierge sa Mere, Qu’il leur plaise estre à nos heure derniere, Afin qu’vn iour dedant le Firmament Nous nous puissions voir tous ensemblement.
FIN.
Anonyme [1649], RECVEIL GENERAL, De toutes les Chansons mazarinistes. ET AVEC PLVSIEVRS QVI N’ONT point estées chantées. , françaisRéférence RIM : M0_3055. Cote locale : C_8_44. |
|||||