LETTRE DV PARLEMENT
de Bourdeaux escrite à Monsieur le Prince
toutes les Chambres assemblées sur le sujet de
son innocence.

Tres-illustre & tres-honoré Seigneur,

La fidelité que vostre Altesse a tousjours
euë au seruice du Roy, dont les effets ont esté si
profitables à l’Estat, publie par tout vostre innocence,
& la Iustice que le Roy nous a commise a
trouué vostre iustification dans l’imposture d’vne
acusation, si foible ; la consequence nous a obligés
de faire des remonstrances & supplier leurs Majestés
d’en faire punir les autheurs, ce n’est pas par le
seul interest de vostre gloire qui ne foufre point de
tache, que nous voulons donner à nostre Prouince
l’asseurance de vostre zele, à la conseruation de
l’Estat, elle est trop bien establie pour en laisser du
doute, nous connoissons la necessité que vous
aués de conseruer la France de l’inuansion de ses
ennemis par l’atachement de vostre naissance qui
conuainc de fauceté vos calomniateurs & la moderation
auec laquelle vostre Altesse reçoit leurs

page précédent(e)

page suivant(e)