Loret, Jean [?] [1652], TROISIESME GAZETTE DV TEMPS. EN VERS BVRLESQVES. , françaisRéférence RIM : M0_1471. Cote locale : B_18_25.
On n’entend tousiours à Bordeaux Que bruicts & tumultes nouueaux, Et le beaux Messieurs de Lormée, Matins comme des gens d’Armée, Ont fait, dit-on, criant ha, ha, Desmolir le Chasteau du Ha, Le Parlement en ce rencontre Donne quantité d’Ariests contre, Mais ces Galans cassent du grés A leurs venerables Arrests ; Ainsi dans cette bonne ville, Le Parlement, l’Hostel de Ville, François, Espagnols, & Gascons, Deuenus fiers comme Dragons, Quoy qu’on leur fasse maint exorde, Sont en eternelle discorde Rien ne sert la d’estre Voisin, Oncle, Neueu, Frere, ou Cousin, Aveul, Filleul, Parrain, Compere ; En ce lieu l’on ne considere Ny l’Amy, ni le bien faicteur, Le Maistre, ni le seruiteur, La Parenté, ni l’Alliance, Mais tous viuent en deffiance, L’indige ce & necessité, C’est a dite la pauureté, La crainte, l’horreur, le murmure, La mesdisance l’imposture, Maint procedé noir & suspect, Et souuent le peu de respect Pour des Personnes d’importance, Et de tres-illustres naissance Out vn Empire enraciné, Dans ce Climat infortuné Tant sur la Mer que sur la terre, Voila ce qu’apporte la guerre.
Ieudy, i’appris auec regret Que ce Seigneur Sage & discret Où les Vertus sont en leur lustre, Que la Charité rend illustre, Enfin pour le trancher plus court, Monsieur le Duc de Liancourt, Est atteint d’vne maladie Qui, si le Ciel ny remedie Le pourroit mener vn peu loin, Mais Dieu, s’il luy plaist, aura soin De conceder vn plus long aage A ce genereux Personnage, Autant plein de gloire & d’honneur Que pas vn autre grand Seigneur. Ha ! si toute nostre Noblesse Prenoit exemple à sa sagesse, Et mesme à l’immuable foy Qu’il a tousiours eu pour son Roy, La France autresfois si pompeuse Ne seroit pas si mal-heureuse.
Tant à Paris, qu’aux enuirons, Où l’on craint tres-fort les Larrons,
| |||||