Anonyme [1649], LE PANEGYRIQVE DE MONSEIGNEVR, LE DVC DE BEAVFORT, PAIR DE FRANCE. , françaisRéférence RIM : M0_2661. Cote locale : C_8_16.
Pour moy, ie suis trompé (si quelqu’vn se dispense Sans commettre vne offence) De vous rẽdre l’hõneur que l’on doit aux vainqueurs, Puis que vous maistrisez à present tous nos cœurs ; Vous imitez la palme Qui, mesprisant le faix, s’esleue auec vigueur, Car estant bien pressé mesprisant la langueur, Vous allez triomphant dans la plus chaude alarme.
Vous faites tous les iours de signalez miracles En forçant les obstacles, Qui peuuent s’opposer à vos illustres feux, Vous mettez en effet nos desirs & nos vœux, Soustenant la Couronne. Conseruez nous ce Chef necessaire à l’Estat, Maintenez vous tousiours viuez dedans l’eclat, Attendant que le Ciel autrement en ordonne.
Il ne fera iamais ce glorieux partage, Que pour vostre auantage, Si ce n’est à dessein de voir vostre vertu ? Mais quoy, vous qui auez si souuent combattu Au bout de vostre course, Pourriez vous redouter la cruauté du sort, Apres auoir sans peur enuisagé la mort, Apprehenderiez vous vne simple secousse.
Anonyme [1649], LE PANEGYRIQVE DE MONSEIGNEVR, LE DVC DE BEAVFORT, PAIR DE FRANCE. , françaisRéférence RIM : M0_2661. Cote locale : C_8_16. |
|||||