Le sieur S. Quoy, Monsieur, vous en irez-vous
comme cela, on dit que, qui quite la partie
la perd ?

Maz. Monsieur, vous aurez tous les iours de
mes nouuelles par le moyen de la Reine, à qui
i’adresse mon paquet, aussi de vostre partie vous
supplie que i’aye des vostres, & m’auertissez de
tout ce qui se passera. I’ay donné des memoires
au sieur L. T. pour sçauoir de la façon qu’il faut
traiter, afin qu’on ne nous prenne pas icy pour
des gruës ; & s’il arriue quelques difficultez, l’on
m’enuoyera des Couriers expres pour les resoudre.

Le sieur B. Monsieur, si vous vous en allez,
tout est perdu, nous n’oserions plus nous monstrer.

Maz. Ie vous ay recommandez au Roy & à
la Reine, vous ne deuez point auoir peur, ie
vous laisse pour associez les Milords Germain &
Montaigu, que i’ay enuoyé querir, ils sont braues
gens, fiez-vous en eux : alors ils entrerent &
saluerent son Eminence, qui prit aussi congé
d’eux, en leur disant adieu, ce qui fit dire au Milord
Germain, Pardi Monsur, vous point quite
li Roy, moy suis seruitur di fous, moy li perdray
mon vi pour fostre Minance.

Le Milord Montaigu. Monsur, moy fouterois
bien fostre Minance tousiours icy, car si fou