qu’elle tire sa plus grande gloire de son sujet.
Elle ne peut estre bien placée que dãs les esprits
qui sont nez pour commander, & l’Authorité
souueraine ne peut estre legitimement tenuë,
que par ceux que la naissance a mis sur le Throsne.
On a veu que ceux qui se sont esleuez par
leur ambition, & ont occupé la place des Princes,
ne pouuant maintenir cette Authorité à raison
de leur bassesse, font autant de faux-pas que
de démarches, & enfin se rendent ridicules à
tout le monde, qui l’en ont justement dechassé.
Ie me suis toûjours opposé aux sentimens du
Conseil quand ie les ay trouuez pernicieux &
tyranniques, & si i’ay consenty à la detention des
trois Princes, ç’a esté apres me l’auoir fait passer
pour necessaire, ou plustost m’ayant surpris, ne
me donnant pas le temps que i’auois demandé
pour y penser. Toute la France a veu le soin que
i’ay eu de pacifier la Guyenne, apres que le mauuais
Conseil du Mazarin eut fait entreprndre à
Sa Majesté vn voyage que ie n’auois point approuué,
& maintenant que par le Conseil du mesme
Mazarin, quoy qu’absent, l’on a fait entreprendre
vn autre voyage au Roy, pour ruïner
vn Prince innocent : Ie feray tous mes efforts
pour empescher tous ses mauuais desseins,
& joindray mon secours à ses armes pour ruiner
l’injustice des Favoris & abbatre leur tyrannie.
C’est vne verité assez connuë que les Ennemis

Page précédent(e)

Page suivant(e)