Ceux qui sont tant soit peu sçauans dans la politique
doiuent sçauoir, que les fauoris ne sont pas
plustost esleuez à la confidence de leurs Souuerains,
qu’ils regardent auec ialousie tous ceux que la naissance
a placés dans la proximité du rang ; & comme
ils ne doutent point que ces esprits naturellement
genereux, ne seront iamais si lasches que de s’abaisser
iusqu’à se rendre complaisans à la conduite de
ceux qui ne sont esleuez que par vn reuers de fortune ;
ils ne manque point de faire tous leurs efforts
pour en donner des ombrages au Souuerains dont ils
ont l’honneur d’estre les fauoris, afin de disposer
leur esprit à se défaire de ceux que ces tiranneaux
leur font regarder auec deffy, parce qu’ils les regardent
eux mesmes auec ialousie.

Le Cardinal de Richelieu n’a mis que trop cette
verité dans son euidence, depuis que s’estant emparé
de l’esprit de Louys le Iuste, il a mesme fait ressentir
les effets de sa ialousie à la Mere & au Frere du
Maistre qu’il seruoit : Mais le Mazarin pour encherir
par dessus la tirannie de son predecesseur, ne se
contantant pas de vouloir esloigner du secret de la
confidence de l’Estat, ceux qui n’y sont pas moins
appellez par leur naissance que par leur merite, en
est mesme venu iusqu’à ce point d’insolence, que
d’en vouloir entierement ruiner les fortunes par les
fourbes qu’il leur a ioüe pour s’en deffaire sous de
beaux pretextes. Et le ressentiment de cette iniustice
me deuant interesser en quelque façon pour conspirer
auec l’armement general qui se fait, à la destruction
de ce grand ennemy, ie croy que si ie m’y laisse