sont auiourd’huy nos aduersaires, lesquels
estoient lors autant desireux de venger l’offence
qui nous auoit esté faite, qu’ils sont maintenant
contraires à nos sentimens : Ce qui n’a pas
empesché que le tout n’ait tourné en fumée, &
qu’au lieu d’vne entiere satisfaction que l’on
nous prometoit de l’issuë de ce beau dessein, qui
ne pouuoir estre que dans vne disposition entiere
de ceux qui auoient donné occasion au tumulte,
nous fusmes trop heureuse d’appaiser le
bruit que nous auions fait, par la paix qui s’en
ensuiuit, & d’aller digerer nostre courroux
pendant six mois à Compiengne, qu’il falut en
fin quitter pour retourner à Paris, plustost pour
satisfaire aux instantes prieres qui nous en furent
faites, que par aucune enuie que nous en
eussions.

Arriuée que nous fusmes à Paris, où parmy la
ioye publique du retour du Roy, il restoit tousiours
quelque souuenir du passé qui causoit plusieurs
murmures de la populace rallouse de voir
le Cardinal Mazarin, qu’elle croyoit l’Autheur
des maux passez, dans le plus haut esclat de sa
fortune où il estoit esleué par nostre seul moyen,
cela donna occasion au Prince de Condé de se
faire valoir, & dans la fausse idee qu’il auoit d’auoir
rengé les Parisiens à la raison, de croire
que rien ne luy pouuoit estre refusé en effect