Cardinal necessaire pour le bien de son
Estat, peut reuoquer lesdites Declarations
& en donner de nouuelles en sa faueur.

Et finalement pour desmouuoir entierement
ceux dont la pretention de l’entier restablissement
dudit Cardinal dans le Ministere,
pourroit causer de l’alteration dans
leurs esprits : Nous declarons que son retour
n’est point à dessein de luy donner le maniement
des affaires de l’Estat, & que ce n’est
seulement que pour restablir l’authorité
Rayale, qui a esté esbranlée par l’esloignement
que l’on nous a forcée de faire de la
personne dudit Cardinal, sur la fin de nostre
Regence.

Apres ces naïfues declarations & la connoissance
de nos desseins, que nous donnons
volontairement au public, nous n’estimons
pas qu’aucun des fideles sujets de sa
Majesté soit si temeraire que de prester main
forte à ceux du party contraire, qui soubs pretexte
de maintenir l’athorité du Roy,
voudroient limiter son pouuoir, en empeschant
l’effect de ses volontez : Ioint la protestation