bien conseillez ; parce qu’il arriuera necessairement
que si leur protection les fait subsister, la
honte qu’ils auront de voir tousiours le Dieu de
leur bon-heur, & la necessité de seconder toutes
leurs intentions, les obligera de leur supposer quelque
aparence de crime pour s’en defaire à quel prix
que ce soit. Ceux qui me faisoient la faueur de
me souffrir en leur compagnie pendant le siege de
Paris, pourroient encore tesmoigner que cette
grande protection dont Monsieur le Prince honoroit
le Mazarin, me fit souuent dire, qu’on verroit
necessairement autant qu’infailliblement,
que si ce Ministre subsistoit dans le mesme Estat,
duquel il sembloit deuoir estre precipité par les vigoureuses
poursuittes de toute la Monarchie ; ce
traistre seroit le premier autheur de la ruïne de
cet illustre conquerant ; & qu’il prendroit mesme
le motif de luy supposer quelque crime, des
grandes obligations, dont il ne pourroit iamais
s’acquitter qu’auec vne reconnoissance, qui rendroit
son authorité trop seruile. Cela n’est-il point
arriue ? n’a-ton pas veu au grand desauantage de
cet Estat, que dés que Mazarin a cru s’estre suffisamment
asseuré contre les effroyables secousses
qui l’auoient dangereusement ébranlé pendant
les desordres de la derniere guerre ; il a d’abord iugé
que son Protecteur ne luy pouuant desormais

Page précédent(e)

Page suivant(e)