Dauantage, on a sceu que les Compagnies
de certaines personnes qui prenoient le nom de
volontaires, sous pretexte de faire exercer des
armes. estoient d’intelligence auec ces assemblées.
C’est pourquoy Messieurs les Preuost des
Marchands & Escheuins de la ville de Paris en
ayant eu aduis, & que telles compagnies de volontaires
se faisoient dãs les quartiers de la ville
& marchoient tambour battant auec armes &
enseignes, contre le Reglement estably pour la
conseruation de la ville entre les Bourgeois, &
que cela tendoit à émotion ; ont ordonné, que
desenses seront faites à telles personnes soy disans
volontaires, de marcher ainsi par compagnies
en armes & tambours battans à peine d’amende,
qui seroit resoluë par les sieurs Preuost
des Marchands & Escheuins, le 23. Septembre
dernier. Ce qui mettra fin à telles entreprises,
qui va contre le repos des habitans, & la tranquilité
publique.